بعض النصائح اللي تمنيت لو عرفتها قبل دخولي الجامعة ويارب تفيدكم:
2- الجامعة بيئة مختلفة تماماً عن المدرسة، الجامعة 80% مسؤولية الطالب، إنت اللي تقدر تبني نفسك أو تهدمها.
3- عدم تفوّقك في المدرسة لا يعني عدم تفوّقك في الجامعة، طلاب جدد، دكاترة جدد، بيئة مختلفة، فرصتك تغيّر من نفسك !
4- لا تقارن نفسك بَزملائك ! أكثر شي يهدم الشخص المقارنة، قارن نفسك بنفسك، شوف قد إيش إنت تطورت عن قبل
5- الدرجات شي مهم جداً لكنها ماتعبر عنك ك شخص ! اهتم بدرجاتك شدّ حيلك عشان تجيب درجات عالية، بس إذا ماجبت مو معناتها إنت شخص غير ناجح . حاول مرّة ومرّتين وعشر لين توصل للمرحلة اللي تبيها.
6- كنْ متعاون: تذكر دائماً إن الله في عون العبد مادام العبد في عون أخيه، السعي في قضاء حوائج المسلمين له أجر مايعلمه إلا الله
7- أحتسب أجر دراسة العلم على الله: ماتدري إيش العمل البسيط اللي ممكن يشفع لك يوم القيامة ويدخلك الجنة وتذكر إن الملائكة تستغفر لطالب العلم 
8- كوّن علاقات مع زملائك بالمواد: حاول تكون اجتماعي، زملاء الدراسة لهم تأثيرهم الخاص دائماً.
9- غالبية الدكاترة مايهمهم إذا فهمت أولا وبس يشرح ويطلع، بس إذا مافهمت أسأل الدكتور وانشب له، ( بس بمكتبه مش بالمحاضرة عشان مايحقدون عليك الطلاب 
).
).
10- تعرّف على زملاء يسبقونك بسنة سنتين، وخذّ منهم نصايح، بترتاح جداً لما تعرف إنه فيه أحد مرّ بنفس وضعك وتعدّاه.
11- أكبر غلط يقع فيه البعض، إنه يذاكر بنفس طريقة المدرسة وهذا غغللللطط !! ،ذاكر كَ جامعي . لا تعتمد فقط على شرح الدكتور أو المرجع اللي عندك إذا كنت تبي معرفتك تكون واسعة بالموضوع فوسّع مراجعك تتوسع مداركك.
12- شخصياً أشوف الجامعة أفضل بككثيررر من المدرسة، وأمتع بكثير، صعوبتها بالبداية بس. المهم إنه تكون عندي خلفية واسعة عن التخصص اللي بدرسه وطريقة الدراسة عشان تكون الصورة واضحة قدامي ويخف توتري 
13- حب تخصصك: عشان تقدر تعطي وتبدع فيه، واللي يقولك تخصصك ماله مستقبل صكه كف. أنت بجهودك وتعبك راح تبني مستقبل تخصصك, خلّك شغوف بالشي اللي تسويه عشان تستمتع بكل لحظه فيه مهما كانت صعبة.
14-التأجيل ومراكمة المهام: من أكثر الأشياء اللي تتعبك نفسياً وجسديا،ذاكر أول بأول، أنجز كل المهام المطلوبة منك قبل بفترة من يوم التسليم. حاول تذاكر قبل الاختبار بفترة عشان يكون عندك للمراجعة وبكذا تقدر تدخل الاختبار بثقة أكبر وتوتر أقل التوتر والخوف بيقلل من
إنتاجيتك, وازن خوفك واغلبه قبل يغلبك!
15- استخدم جدول المهام 
:عشان تنظم مهامك وتنجز كل أشغالك بكل إتقان وبالوقت المحدد. رتب مهامك بالجدول حسب أهميّتها و هل هي مهمة عاجلة أم لا.
:عشان تنظم مهامك وتنجز كل أشغالك بكل إتقان وبالوقت المحدد. رتب مهامك بالجدول حسب أهميّتها و هل هي مهمة عاجلة أم لا.
16- تعوّد ع multitasking: لا تقول عندي برزنتيشن مابذاكر أو عندي اختبار مابحل الهومورك،أكبر غلط ممكن يعفس جدولك ! رتب وقتك واعطِ كل شي حقه.
17- أبتعد عن المحبطين والسلبيين قد ماتقدر, راح ينكدوا عليك ومايخلوك تستمتع باللي تعيشه, تخلص منهم!
18- أسمع تجربة غيرك وأستفيد منها بس لا تعيشها! من حقك تعيش تجربتك بنفسك.
19- حضورك وتركيزك في المحاضرة بيساعدك كثير وبيسهل عليك فهم المحاضرة. بالإضافة إلى إن الغياب يأثر عن درجاتك وممكن يأثر ع معدلك.
20- اكتشف طريقة المذاكرة
المناسبة لك: وهذي
أكثر مشكلة تواجه كثير من الطلاب، إنه مايعرف كيف يذاكر؟ وهالشي تحتاج إنه الشخص
يجرب أكثر من طريقة ويقارن النتائج ويشوف الأفضل. لإنه مافيه طريقة معينة تناسب الجميع.
ـــــــــــــــــــــــــــ
وموفقين بإذن الله.
ـ إذا أعجبك الموضوع لا تنسى تفيده غيرك فيه وشكراً
زينب يوسف.
تعليقات
إرسال تعليق