التخطي إلى المحتوى الرئيسي

كيف أذاكر بفعالية؟

السلام عليكم ❤🌿 : 

  • كثير منا يشتكي من طريقة المذاكرة وإيش هي الطريقة المثالية للمذاكرة، بالبداية لازم نعرف إن مافيه طريقة Perfect في المذاكرةَ، يعني مافيه طريقة تناسب الكل كل شخص له أسلوبه وطريقته، راح أتكلم عن بعض الطرق اللي أنا استخدمتها بعضها فادني بعضها لا، بس إن شاء الله تستفيدون 🌸 .    

طرق المذاكرةَ 📚: 
١- طريقة الكتابةَ 📝:
 الفكرة من هذي الطريقة هي أنا خلال المذاكرة أكتب المعلومات بدل ما فقط أرددها بلساني وذلك عن طريق عمل ملخص للمحاضرة مثلاً، أقدر أستفيد من هذي الطريقة بعد من ناحية إني أكتب "نوتز" مع الدكتور أو الدكتوره خلال الشرح، وحتى لو إني ماراح أرجع لها مجرد كتابتها تثبّتها في الدماغ وتسهل استرجاعها 👍🏻💛.

٢- طريقة الشرح للآخرين 👨‍🏫: 
فكرة هذي الطريقة هي إني أشرح المحاضره للآخرين، المذاكرة مع مجموعة على الرغم من إنها تاخذ وقت طويل، بس جداً مفيدة لأنه كل شخص له وجهة نظر في الموضوع وفاهمه بطريقة معينة فتشارك المعلومات والآراء تفتح العقل وتوسّع الآفاق،طيب ممكن تقولون ماعندنا أحد نشرح له أو نذاكر معه؟ أقولكم مو شرط تشرحون لأشخاص عادي جربوا تشرحون لانفسكم قدام المرايا، أو تحطون إي حاجة قبالكم حتى لو "دمية" وأشرحوا لها وراح تشوفون الفرق وكيف المعلومات ثابته 😍👌🏻. 

٣- طريقة القرآءة 🕵️: 
ممكن تستغربون من هذي الطريقة لكن البعض تفيده، فكرتها إني أقرأ عن الموضوع بتفاصيل أكثر وأتعمق فيه، واستخدم أكثر من مصدر في القرآءة والبحث، هذي الطريقة ممكن إنها تشتت إلا أنه البعض يستفيد منها 👍🏻. 

  • خلصنا من المذاكرة نجي للخطوة اللي بعدها اللي هيّ : المراجعة، حطوا هالعبارة ببالكم :" عدم المراجعة=عدم المذاكرة" ، بالعربي اللي مايراجع ماكأنه مذاكر أبد ،والمذاكرة بدون مراجعة تضييع وقت!
  •  طيب كيف أراجع بفعاليّةَ وبطريقة تختصر عليَّ الوقت؟  

طرق المراجعةَ 📖: 
المراجعة تعتمد بشكل كبير على "التلخيص" . 
١- كتابةَ نوتات : الفكره اني وأنا أذاكر بعد كل سلايد مثلاً أو بعد كل برقراف أجيب نوت وأحطها جنب البرقراف وألخص المحاضرة على شكل نقاط في النوت 👌🏻. 

٢- تحديد بالهايلايتر: الطريقة هذي تفيد إذا كانت السلايدات فيها هذره كثير أحدد الكلمات المهمة والدلالية عشان وقت المراجعة أكون أعرف بالضبط إيش أراجع 🖍.

٣- تسجيل صوت: الطريقة هذي تختصر وقت بشكل كبير ، وأنا أذاكر أقدر بدل ماأكتب نوتز أسجل صوتي وأنا أختصر المحاضرة ، طبعاً أحاول أختصر ويكون الكلام شامل بحيث إني ماحتاج أرجع للمحاضرة من جديد 📢. 

*بالنسبة لمواد الحفظ : أقدر أطبع المعلومات اللي أبي أحفظها وأعلقها بمكان أنا دايم أتردد عليها مثل عند مكتبي أو خلفية جوالي 📄📎. 
*بالنسبة لمواد الفهم : أقدر أسويها كَ قصة فكاهية أو أستخدم المخططات السهمية 👌🏻

هذا كل اللي عندي أتمنى تستفيدوا وعذراً على الإطالة، ولا تنسوني من الدعاء 💛
لـِ إستفسار هذا حسابي بالآسك : 

تعليقات

المشاركات الشائعة من هذه المدونة

Progress Test

Progress Test السلام عليكم، ورحمة الله وبركاته. هذي المدونة إن شاء الله بتكون عن اختبار البروقرس،   بتكلم في ثلاث محاور أساسية: - ماهو اختبار البروقرس، مميزاته.. عيوبه...؟ - طرق+ مراجع المذاكرة. - نصائح. ـــــــــــــــــــــــــــــــ ١ - ماهو اختبار البروقرس؟ - تعريفه: البروقرس تست أو اختبار التطور المعرفي، هو اختبار يهتم بقياس حصيلة الطالب العلمية ومالدى الطالب من معلومات. - متى يُختبر؟   يُختبر أربع مرات في السنة، بكل بلوك اختبار، جميع السنوات في نفس اليوم، مقر الاختبار بالنسبة لسنة أولى بتكون قاعات الكلية (بالنسبة للبنات). - كم سؤال؟   الاختبار مكون من حوالي ٢٠٠ سؤال أو أقل بقليل، والأسئلة تشمل جميع المعلومات التي درسها الطالب من سنة أولى إلى سنة خامسة. - الأسئلة صعوبتها وسهولتها تتفاوت، فيها البسيط البيسك وفيها الكلينكال (وأغلبها كلينكال). جميع الأسئلة تحتوي على خيار (لا أعلم)، وعدد الخيارات تتفاوت بين ٢- ٥. (بدون خيار لا أعلم) - طريقة حساب الدرجات: كل سؤال صحيح يُحسب للطالب بدرجة واحدة مهما كانت عدد خياراته، أما الأسئ...

مدونة سنة رابعة.

        مدونة سنة رابعة   "رغم امتداد التعب عيّا يموت الطموح.. والشمس بكره ورغم أنف الدجى شارقة!   هنا تلقون تجربتي في سنة رابعة، أتمنى إنها تكون مفيدة لكم. -راح أتكلم عن البلوكات بحسب الترتيب اللي درسته-   بالبداية فيه أشياء عامة مهم تعرفونها: -       كل بلوك بيكون عبارة عن ٨ أسابيع (٣ أسابيع في CTC + ٤ أسابيع Hospital rotation + أسبوع الاختبار. (راح أتكلم عنها بالتفصيل تحت كل بلوك). -       بكل بلوك بتلقون فيه هالمسميات: Theme class PS session CI session Interactive seminar CC session طريقتهم تختلف على حسب البلوك وبنتكلم عنهم بالتفصيل + وطبعاً بكل بلوك عندنا ميد وفاينل وأوسكي. -       توزيع الدرجات نفسه بكل بلوك وبيكون على هالترتيب: 15% CTC ( تشمل الحضور والمشاركة ) 10% MID (MCQ) 20% FINAL (MCQ) 5% PROBLAM SOLVING (MID) 5% PROBLAM SOLVING (FINAL) 15% HISPITAL ROTATION ASSESSMENT 30% OSCE   -       نصائح عامة: بسنة رابعة خلوكم بروفشنال قد ما تقدر...

تجربتي في سنة أولى طب ❤

ا لسلام عليكم ورحمة الله، حياكم جميعاً هنا راح أكتب تجربتي في سنة أولى طب بإذن الله ❤ بالبداية أحب أبارك لكم إنهائكم للسنة التحضيرية وتجاوزكم للعقبات التي وضعت أمامكم.   وأهنئكم لوصولكم لهذي المرحلة، والحمدلله لإن الله اختاركم من بين الملايين لدراسة هذا التخصص العظيم, و أسأل الله أن يوفقكم ويسهل عليكم كل عسير. نصائح عامة: ١- ذاكر أول بأول + نظم جدولك بحيث كل يوم تذاكر فيه عالأقل محاضرتين. ٢- كيسات التوتر سشن مهمة وعادة هي اللي تجي بالبروقرس أفهمها كويس. ٣- لا تركز جهدك على شي واحد فقط أو على محاضرة معينة، أعطِ كل شي حقه. ٤- حضورك وتركيزك في المحاضرة بيساعدك كثير وبيسهل عليك فهم المحاضرة. ٥- خصّص لك عالأقل يوم واحد تراجع فيه المعلومات المهمة قبل الاختبار بيوم، لا تحفظ معلومات جديدة! ٦- حط هالعبارة ببالك:" عدم المراجعة=عدم المذاكرة", المذاكرة بدون مراجعة تضييع وقت!   ٧- لا تسحب ع البي دي، بالعكس أعتبره فرصة تجميع درجات. ٨- هالله الله في التعاون في مابينكم، الواحد للجميع والجميع للواحد. ٩- أسمع تجربة غيرك وأستفيد منها بس لا تعيشها! من حقك تعيش تجر...