مقدمة: الله دائماً يضعنا في الأماكن التي نحن أهلاً لها . · بسم الله الرحمن الرحيم، بالبداية سنة ثانية جميلة جداً جداً ممتعة تحسسك إنك فعلاً تدرس طب ف استمتعوا بكل لحظة فيها ❤️ · الدوام فيها أخف نسبياَ، بس كمذاكرة وكضغط أثقل شوي بس مثل ما قلت إنها ممتعة وحتى مذاكرتها مو ثقيلة زي سنة أولى ما أقصد ككمية لا أقصد كنوع المعلومات، سنة أولى معلوماتها مرة بيسك فتملل شوي أما بالنسبة لسنة ثانية فراح تاخذون فيها كلنكال كثير وأنا أشوف مذاكرة الكلنكال أمتع بمراحل. · التنظيم وترتيب الوقت مهم جداً لإن أحياناً الكمية تكون كبيرة مثل البلوك الأول والثالث فتحتاج مذاكرة أول بأول أغلب الأخطاء اللي تصير تكون بسبب عدم الترتيب وتراكم المحاضرات ولما تتراكم المحاضرات الشخص يعيش بقلق وتوتر وقد ما يقدر يلحق ويغطي كل المطلوب، لذلك أنصح جداً بوضع جدول مرتب كل أسبوع ويوزع فيها الشخص وقته وأشغاله بحيث يلحق يذاكر أول بأول وينجز كل الأشياء المطلوبة ب اتقان وبالوقت المحدد . · ...